Kreu i grupit parlamentar të Partisë Socialiste, Taulant Balla i bëri thirrje prokurorisë që të hetojë me seriozitet atë që ai e quan aferën e privatizimit të CEZ, me një dëm sipas Ballës prej 414 mln euro dhe që pas kësaj afere sipas socialistëve qëndron djali i ish-kryeministri Sali Berisha, Shkëlzen Berisha.
“Personi që është kallëzuar nga Kuvendi i Shqipërisë se bashku me babain dhe zyrtarë të lartë, tha që nuk ka dijeni. Të gjithë e dimë që kjo është një çështje që duhet hetuar. I bëj thirrje Prokurorisë që ta hetojë këtë dosje me seriozitetin më të madh, të zbatojë vendimin e Gjykatës e Krimeve të Rënda që i ka kërkuar Prokurorisë që të marrë në pyetje të personave si Shkëlzen Berisha, Genc Ruli, Sali Berisha, sikur Nue Nikalaj. I bëj thirrje prokurorisë që ky person të gjendet. Ndoshta komisionit hetimor ju shmang. Ky person duhet gjetur.
Ditën për diell ka tërhequr 6.8 mln euro, para të vërtetuara që kanë qenë pagesë komisioni, e thënë shqip pagesë seksesi për një privatizim më i dështuari dhe më i rëndi për shpinën e varfër të shqiptarëve, 414 mln euro dëmi i shkaktuar shqiptarëve.
Për sa i përket llokoçitjeve të të birit të babait, se paska punuar me punë të ndershme, një njeri që nuk i ka thënë një herë mirëmëngjesi punës. Një njeri që nuk ka firmosur një herë në një vend pune dhe të vetmet të ardhura i ka deklaruar si komisione merrja këtij dhe çoja këtij. Merrni librin e deklarimit të kontrollit të pasurisë, të vetmen punë me të ardhura marramendëse
Sot isha përgatitur që të rrëzoja këto akuza. Zotëria është akuzuar për 200 milion euro për të një shitje toke në një fshat në jug. Kam të gjitha faturat.
Merreni dosjen, dosja e është e plotë dhe studiojeni aty i keni të gjitha. Duke qenë se kjo çështje është në hetim të prokurorisë, të gjithë janë në hetim, si Shkëlzeni dhe Saliu.
Të tjerë emra do të dalin nëse do të hetohet kjo çështje deri në fund, dhe do jetë plotë rrjeta e peshqve të mëdhenj nëse kjo çështje do shkoj deri në fund.” tha Balla.
(M.Q/Faxweb)
Discussion about this post