Duket se Nard Ndoka, deputeti i PD-së, është i paduruar në lidhje me protestat që opozita duhet të nisë kunbdër qeverisë Rama, sidomnos pas dy skandaleve të fundit që kanë si protagonist hish-ministrin e Brendshëm Saimir Tahiri.
“Dilemë e madhe: Opozita po pret popullin, apo populli po pret opozitën për revolucion!”, shkruan Ndoka në një reagim në rrjetet sociale.
Duhet thënë se PD-ja ka nisur një përgatitje për protesta në të gjithë vendin, po siç e kanë theksuar dhe eksponentë të tjerë të kësaj partie, qëllimi nuk do të jetë rrëzimi i pushtetit me dhunë.
Për Partinë tjetër në opozitë, LSI duhet të jetë populli që duhet të ngrihet fillimisht në protestë dhe partitë opozitare të jenë aty për t’i mbështetur.
Vetë kryeministri Rama dhe ish-ministri Tahiri nuk kanë bërë asnjë koment në lidhje me skandalin e fundit në Elbasan, ku një i ri u kap me 863 mijë euro si dhe dy patenta për mjete lundrimi të Tahirit.
(E.K/FAXWEB)
Discussion about this post