Gazetari Klodian Tomorri ka reaguar pas deklaratës së deputetit Astrit Patozi, i cili i ftuar në emisionin “Të Paekspozuarit” të Ylli Rakipit, tha se kreu i PD-së Lulzim Basha ka shitur zgjedhjet e 25 qershorit.
“Kush i ka dhënë dhe kush i ka marrë paratë?”, është pyetja që e mundon gazetarin Tomorri, i cili duket se e beson që zgjedhjet janë shitur.
“Z. Patozi tha se jane bere pagesa per listen e deputeteve..!!! Kush i ka dhene dhe kush i ka marre parate..?! A eshte nje problem i ri apo i trasheguar ne PD kjo nese paska ndodhur..?!?! A jane pagesat nje histori e dyshimte ne mandatet e deputeteve te PD nder vite..?!?! Nese besojme legjendat jane shembur duke paguar..!! Dhe une besoj se po. Emrat..?Ky eshte problemi…”, shkruan Tomorri.
Kujtojmë se Patozi tha se në PD eksiston një opinion që Basha ka shitur zgjedhjet dhe ka patur pagesa për listat e PD-së, mirëpo ai nuk kishte prova për këtë.
“Që të them se unë nuk i kam dëgjuar këto, do ishte e padrejtë dhe do ishte e pandershme sepse ky është një opinion, për fat të keq që me marrjen në dorëzim të çelsave të kryetarit të Partisë Demokratike nga zoti Basha, qarkullojnë.
Pra ka një opinion të gjerë që e thonë. Po të kisha prova, sigurisht që unë do t’i thoja sot këtu, nuk i kam ato prova, por fakti që ka një opinion, e rëndon shumë fort pozitën e zotit Basha, i cili dhe pa këto akuza është prapë i rënduar sepse është rezultati që nuk të lejon. Pra rezultati është i tillë që edhe sikur këto akuza mos të ekzistonin është shumë vështirë për t’u trajtuar.
Por tani e shiti, e shiti Partinë Demokratike në këto zgjedhje është koncept pak më i gjerë se sa pagesat që mund të jenë bërë për kandidaturat të veçantinë listën Basha. Dhe unë kam dhënë një përgjigje në takimet e tona që kemi pasur në degën e Partisë Demokratike në rrethe, që unë vetë dua të jem i sinqertë se nuk e besoj që zoti Basha e ka shitur rezultatin, por zoti Basha jam shumë i sigurt që me dashje apo jo ka shitur interesat e Partisë Demokratike tek kundërshtari.
Në sensin që, për paaftësi por ndoshta dhe për qëllime të mbrapshta, i ka lënë kundërshtarit në dorë që të ketë interesa të Partisë Demokratike, por dhe Shqipërisë në tërësi.”, është shprehur Patozi. (D.D/Shuplaka)
Discussion about this post