Pajisja ‘GPS’ sinjalizon gabim, e gjithë familja humb jetën në aksident

Një aksident mjaft i rëndë ka ndodhur në Shtetet e Bashkuara të Amerikës, në Florida, ku 4 anëtarë të një familjeje britanike humbën jetën.

Ngjarja ndodhi teksa familja, ndodhej me pushime në Florida, po kthehej nga ‘Kennedy Space Center’ dhe i preu rrugën një kamioni në Titusville.

Adam Stephenson, 30 vjeç, nga Bristoli, po drejtonte një makinë me qera të hënën në mbrëmje rreth orës 18:00, teksa u përfshi në aksident. Bashkë me të humbi jetën dhe gruaja, Maryanne, 29 vjeç, dhe prindërit e tij Bryan, 59 vjeç dhe Sheralyn, 56 vjeç.

Policia mbërriti menjëherë në vendngjarje dhe konstatoi se të 4 pasagjerët e makinës, kishin humbur jetën në vend.

Nga hetimet paraprake rezultoi se makina e drejtuar nga britanikët, i ka prerë rrugën kamionit, ndërsa policia dyshon se ka qenë pikërisht pajisja GPS, që ka sinjalizuar gabimisht drejtuesin e mjetit.

(E.K/FAXWEB)