Petrika Çeço, 28-vjeçari nga Korça që pak ditë më parë tentoi të vriste të atin ka tentuar sot të vrasë veten në ambjentet e burgut 302 në Tiranë.
Sipas burimeve të Shuplaka nga ky burg, Çeço ka tentuar ti verë zjarrin vetes me çakmak, por është ndaluar në kohë nga punonjësit e institucionit në fjalë.
Fatmirësisht, 28-vjeçari nuk ka asnjë dëmtim nga akti që ndërmorri.
Kujtojmë se, më datë 6 dhjetor, Petrika Çeço, për motive të dobëta, ka ushtruar dhunë fizike si edhe ka tentuar të mbysë me një rrip babanë e tij, shtetasin M.Ç, 61 vjeç, i cili ishte i shtruar në Spitalin Rajonal të Korçës.
