Pranë lulishtes te Piramida, pak metra larg “Çadrës së lirisë” ku po zhvillohet protesta e opozitës, tre persona janë konfliktuar keqazi me njëri-tjetrin.
Mësohet se Aurel Lafetaj nga Laçi dhe Ermir Gjeta nga Rrësheni kanë dhunuar një 30-vjeçar të identifikuar si Elton Çomo.
“Aurel Lafetaj i datëlindjes 02.10.1993 lindur në Laç dhe banues në Tiranë së bashku me Ermir Gjeta i datëlindjes 06.10.1988, lindur Rrëshen dhe banues në Tiranë kanë dhunuar me grushte shtetasin Elton Çomo, rreth 30 vjeç, i cili ka marrë dëmtime në kokë dhe është dërguar për mjekim në spital”, thuhet në njoftimin e policisë.
Ndërkohë, dy të rinjtë janë vënë në pranga dhe policia ka nisur hetimet për të zbardhur detaje të tjera të ngjarjes. (D.D/Shuplaka)
Discussion about this post