Kryetarja e LSI-së Monika Kryemadhi nga Panairi i Librit, i është përgjigjur interesimit të gazetarëve lidhur dhe me çështjet e aktualitetit politik në vend.
Për herë të parë publikisht ajo ka komentuar dhe propozimin e Edi Ramës për postin e ministrit të brendshëm, duke hezituar që të komentonte bllokimin që i ka bërë presidenti Meta emrit të tij.
Kryemadhi u shpreh se më shumë sesa emrat, atë e shqetëson kapja që Edi Rama i ka bërë këtij institucioni, duke thënë se ai është shkaktari i të gjitha të këqijave në vend.
“LSI nuk është institucion Vetingu, shkoni pyeteni presidentin për zotin Sandër Lleshi, pak metra më tutje e keni presidencën. Për mua nuk ka rëndësi ministria me ministër apo pa ministër. Unë di që ai është një institucion i kapur nga Edi Rama. Shkaktari i të gjithë të keqes së sotme është Edi Rama, Erion Veliaj është vetëm një ushtar”, u shpreh Kryemadhi në fjalën e saj.
(E.K/FAXWEB.AL)
Discussion about this post