Vetëm pak orë na ndajnë nga protesta kombëtare e opozitës, dhe duket se Policia e Shteti ka marrë masa ekstreme sigurie.
Në fotot e siguruara nga FaxWeb duket se Kuvendi është rrethuar nga tela me gjemba, çka tregon se masat e sigurisë të marra për ditën e nesërme janë të shumta.
Në protestat e më herëshme, Kryeministria është rrethuar nga kangjëlla portative, të lëvizshme, dhe disa pllaka herkur të vendosur në fasadën e jashtëme, por kësaj radhe ka ndryshuar, masat më të mëdha janë marrë Kuvendin.
Kujtojmë që protesta e opozitës do të zhvillohet nesër në orën 18:30 dhe sipas informacioneve të deritanishme do të zgjas vetëm 3 orë.
Për këtë protestë kryedemokrati Basha ka bërë vizita thuajse në të gjitha qytetet e vendit, duke u kërkuar banorëve të jenë prezentë për t’I dhënë goditjen finale kryeministrit Rama.
Ditën e nesërme mendohet që të jetë një protestë e shtuar në numër, Ambasada Amerikane por dhe përfaqsuesja e ‘opozitës së re’ Rudina Hajdari kanë bërë thirrje për një protestë pa dhunë dhe pa gjuhën e urrejtjes.
Discussion about this post