Kryeministri Edi Rama ka mbledhur në zyrë ministrat e Partisë Socialiste në zyrën e tij. Ashtu siç është e qartë situata politike ka bërë bashkë kryeministrin dhe të besuarit e tij në postet ministrore.
Gjatë ditës së sotme pritet të mbahet dhe seanca plenare, ku pritet të mësohet më shumë rreth qëndrimeve të palëve.
Edhe dje kryeministri Rama ka pasur një takim me të besuarit e tij Ruçi, Tahiri dhe Veliaj. Menjëherë pas kësaj ai pati një takim edhe me ministrin e LSI-së Petrit Vasili.
Nga ana tjetër Lulzim Basha nuk tërhiqet nga propozimi i opozitës për qeveri teknike. Nuk dihet nëse Rama do të jetë i detyruar të sakrifikojë ndonjë nga ministrat e tij, kushtëzuar edhe nga aleati në qeverisje Ilir Meta.
Gjatë paradites së sotme Rama ka qenë në një takim te shkolla e fëmijëve me nevoja specifike për inagurimin e ambjenteve të reja. Aty ai ka përdorur një gjuhë disi më të sheshuar dhe u është shmangur komenteve për situatën e momentit. (E.K/SHUPLAKA)
