Ndërkohë që kreu i opozitës Lulzim Basha ndodhet në një takim me aleatët në selinë e PD-së, për të diskutuar edhe një herë për paketën McAllister, të ofruar për herë të dytë këtë radhë me ndërmjetësimin e zëvendës ndihmësit amerikan të shtetit Yee, gazetari dhe analisti Robert Rakipllari zbulon se cili është shkaku që palët mudn të mos bien dakord.
“Ka pasur një përafrim të qëndrimeve të palëve, paketa McAllister ka qenë në tavolinë që do të thotë se opozita është hequr nga kërkesa pa Ramën kryeministër dhe kryeministri ka hequr dorë nga zgjedhjet më 18 qershor.
Paketa mesa di unë përfshin katër ministra dhe një shtyrje të zgjedhjeve deri më 23 korrik. Por mund tani të shtyhen edhe deri më 6 gusht me paketën e dytë McAllister. Ky është problemi.
Rama ka pranuar paketën McAllister në parim, dmth ka pranuar një shtyrje mujore, ndërsa opozita ka hequr dorë nga votimi elektronik por ka kërkuar identifikim biometrik të votuesve dhe numërim elektronik. Kjo është garancia që opozita kërkon për standartin e zgjehdjeve.
Unë di që Rama ka pranuar në parim paketën për shtyrje deri në një muaj, opozita sic e thashë identifikim biometrik dhe numërim elektronik, kjo është pika që ndan palët dhe nuk besoj se do të arrihet në një marrëveshje.
Unë besoj se opozita ka për të dhnënë një përgjigjë pozitive, pasi për dy vite pavarësisht se ka qenë Reforma në Drejtësi çështja kryesore, ka kërkuar edhe identifikimin biometrik dhe numërimin elektronik, gjë e cila është lënë pas dore.”, tha Rakipllari. (D.D/Shuplaka)
Discussion about this post