Për të diskutuar mbi Paktin për Universitetin, ka qenë i ftuar në studion e Fax News Migen Qiraxhi nga Qëndresa Qytetare. Gjatë bisedës me gazetaren Armela Ferko, Qiraxhi u ndal te shqetësimet e studentëve post protestës. Sipas tij të rinjtë përballen me shumë problematika, si mosdhënia e bursës për kohë e protestës, por edhe dhënia e tyre te persona që janë të afërt me partinë në pushtet.
”Fakulteti Ekonomik nuk jep bursë për kohën e protestës, si në Elbasan ashtu dhe në Tiranë. Ajo që ne kemi vërejtur është reduktimi i listave të përfituesve të bursës, për shkak të përllogaritjes së mesatares në mënyrë të ponderuar.
Në shumicën e rasteve kanë përfituar studentët afër me partinë në pushtet. Drejtuesja e bordit në Politeknikut është kapur në shkelje, ndërkohë që sot është sërish pozicion drejtues, pasi drejton Departamentin e Administratës Publike.
Ka një abuzim shumë të madh dhe me abonenë e studentit, që është e drejtë ligjore. Abonetë e studentit shpërndahen në treg të zi, ndërsa në komunikimin që kemi patur me Bashkinë e Tiranës ka thënë se e ka lënë në dorë të operatorëve në treg. Bashkia parashikon abone për 20% të studentëve, dhe ato nuk adresohen te studentët pasi ka abuzime me çmimet”, u shpreh Qiraxhi.
Ndërkohë si përfaqësues i Qëndresës Qytatare ai komentoi dhe takimin që pati shoqëria civile me përfaqësuesit e PE që ishin pak ditë më parë për vizitë në vendin tonë.
“Ai ishte një takim i organizuar nga CDI dhe ishte vetëm një nga përfaqësuesit e eurodeputetëve, ne ishim të ftuar dhe ndaj shkuam. Unë mendoj se ka pasur një reagim të nxituar, dhe nuk është e mira që ne të krijojmë konflikt dhe në radhën e shoqërisë civile. Ne i shohim liderët që vijnë nga jashtë, si lider që kanë bërë mirë në vendin e tyre, po ne nuk komentojmë qëndrimet që ata kanë për situatën në Shqipëri”, u shpreh më tej Qiraxhi.
Discussion about this post