Arrestimi i Ramush Haradinajt nga autoritet franceze ka tronditur shumë klasën politike kosovare. Për lirimin e liderit të Aleancës për Ardhmërinë e Kosovës, Ramush Haradinajn janë angazhuar të gjithë shqiptarët të cilët besojnë në idealet e UÇK-së, prandaj lirimi i tij do të ndodhë shpejt. Kështu është shprehur në një intervistë për gazetën “Zëri”, shefi i Grupit Parlamentar të AAK-së, Pal Lekaj.
Sipas tij arrestimi i Haradinajt ka ndodhur kryekëput për inate politike mes Serbisë e Kosovës. Siç thotë Lekaj, ish-kryeministri është një pengesë e bukur e madhe për arritjen e qëllimeve në Kosovë. “Serbia dhe aleatët e saj e shohin si pengesë për arritjen e qëllimeve të veta në Kosovë, e prandaj Haradinajt tentojnë t’i bëjnë presion dhe ta bllokojnë me të tilla rrugë, duke e ndaluar, duke e penguar në punën e tij që është punë për Kosovën kryekëput për forcimin dhe zhvillimin e saj”, ka deklaruar Lekaj.
Po ashtu Lekaj vë në theks edhe mbajtjen e seancës së jashtëzakonshme ditën e martë, për të cilën vlerëson se Kuvendi i Kosovës ka disa raste që seancat e jashtëzakonshme nuk po arrin t’i mbajë në bazë të emërimit. Po kështu shefi i grupit parlamentar të AAK-së ka ripërsëritur se dialogu në Bruksel duhet të ndërpritet, pasi nuk po përfitohet asgjë. Përsa i përket fletarresteve nga Serbia për të cilat vlerëson se qeveria duhet të ndërmarrë urgjentisht diçka që t’i zhvleftësojë ato. (J.V/Shuplaka)
Discussion about this post