Lulzim Basha ka është pyetur edhe për deklaratat e Presidentit, Ilir Meta për ndërkombëtarët, disa prej të cilëve që janë akredituar në Tiranë i ka quajtur edhe ‘palaço’, me argumentin se nuk thanë asnjë fjala as për drogën kur mbillej masivisht dhe as për ngërçin kushtetues dhe kapjen e drejtësisë.
Basha tha se nuk komentonte as për përfaqësuesit e huaj as për ata që i komentojnë përfaqësuesit e huaj ndërsa shtoi se, Rama e ka sport të veçantë keqpërdorimin e të huajve.
“Nuk bëj komente për komentet e presidentit apo dikujt tjetër për çështje të tilla. Unë nuk komentoj as përfaqësuesit e huaj as mbi komentet për përfaqësuesit e huaj. Keqpërdorimi masiv i të huajve brenda dhe jashtë Shqipërisë është kthyer në sportin e preferuar të Edi Ramës. E mbani mend po jo “nuk ka drogë” me këtë është fshehur,”
Një koment Basha e kishte edhe për thirrjet e tifozëve në stadiumet shqiptare, gjë e cila ka nisur në “Air Albania Stadium” në sfidën e kombëtares ndaj Francës, më pas në Korçë dhe në fund në Shkodër.
“Thirrjet Rama në stadiumin kombëtar dhe më pas edhe në atë të Korçës, janë vetëm fillimi i një tërbimi dhe zemërimi popullor që do t’i marrë përpara soj e sorrollop”, tha Basha.
(F.GJ/FAXWEB.AL)
