Pallati 27 katësh shkrumbohet nga flakët në Londër, ka njerëz të bllokuar brenda (VIDEO)

Një pallat 27 katësh është përfshirë nga flakët në “Latimer Road”, në perëndim të Londrës. Pallati 27 katësh përbehet nga 120 banesa.

Zjarri në “Grenfell Tower” në “Estate West Lancaster”  u raportua në 01:16  të orës lokale të Londrës dhe  ka përfshirë të gjithë ndërtesën.

Sipas  “DailyMail”  i gjithë blloku i kullave është në flakë dhe se ndërtesa mund të shembet. Rreth orës 04:00 policia e Londrës raportonte se banorët vazhdojnë të evakuohen nga blloku i kullës.  Dyzet zjarrëfikëse janë dërguar në kullë dhe kryebashkiaku i Londrës Sadik Khan tha për BBC se ky është një incident i madh. Gjithsej për shuarjen e zjarrit janë angazhuar 200 zjarrfikëse. Dëshmitarët okularë kanë treguar se flakët kanë mbuluar 27 kate. 

Një dëshmitar tha se kishte dëgjuar njerëzit duke bërtitur “dilni jashtë, dilni jashtë”.  (J.V/Shuplaka)