Drejtori i emergjencave civile, Shemsi Premçi, bashkë me Drejtorin Gjeologjik, Viktor Doda ndodhet aktualisht pranë banorëve të Gjirokastër, tek pallati 8-katësh i cili është bllokuar nga balta.
Insistimi i banorëve të pallatit tetë katësh në Kodrën e Shtufit për të hequr baltën nga banesat në katet e para, ka marrë një goditje të rëndë nga specialistët e ardhur nga kryeqyteti mesditën e sotme.
Viktor Doda kreu i Institutit të Gjeologjisë është shprehur qartë dhe saktë se balta nga banesat, do kohë të hiqet dhe rrjedhimisht nuk është proces që kryhet brenda ditës ashtu sic pretendojnë banorët.
Sipas Dodës, banorët duhet të presin të qetë veprimet në terren për evakuimin e baltës shtufore nga pallati i tyre pasi fillimisht ky process kërkon që të ndërhyhet duke vendosur pilota në kulmin e kodrës e pastaj, në mes të saj dhe në fund do të operohet me heqjen e baltës nga apartamentet që ndodhen në katet e para të tetëkatëshit. Kjo deklaratë ka shtangur banorët e pallatit të cilët tjetër prisnin nga kreu i Institutit të Gjeologjisë në kryeqytet.
Edhe kreu i Emergjencave Civile Shemsi Prenci, ka mbështetur Dodën por njëkohësisht ka kërkuar mirëkuptimin e banorëve që të jenë të duruar dhe të presin përfundimet e studimeve të mëtejshme dhe të punimeve në terren.
“Nuk mund të hiqet direkt dheu, sepse më pas do të stimulohet një rrëshkitje akoma më e madhe e dheut.
Si fillim do të pilotohet zona e rrëshkitshme, më pas do të pastrohet zona nga dheu.
Pastaj nuk do të mbjellim më fiq dhe domate, por bimë që rrisin fortësinë e tokës.
Ju garantojë që gjithçka do të bëhet siç duhet,”- është shprehur Premçi.
Prej disa ditësh banorët I kanë bërë thirrje autoriteteve për pastrimin e pallatit nga balta.
Ditën edjeshme banorët filluan ta pastronin vetë, por ishte e pamundur.
Si pasojë e shirave ka rrëshkitur dheu, i cili është kthyer në baltë dhe ka bllokuar të gjithë pallatin.
(F.M/Faxweb)
https://www.youtube.com/watch?v=FwwJ3fijfck&feature=youtu.be
https://www.youtube.com/watch?v=t8UJZoosvHQ&feature=youtu.be
https://www.youtube.com/watch?v=Pt9RLBPYUr0&feature=youtu.be
https://www.youtube.com/watch?v=aFnhAAhWpqU&feature=youtu.be
https://www.youtube.com/watch?v=qSgTzTeeMlQ&feature=youtu.be
https://www.youtube.com/watch?v=wA3MsVD9bA0&feature=youtu.be
