Demokrati Edi Paloka ka folur së fundmi lidhur me refuzimin e kryeministrit Rama për të marrë pjesë në Mbledhjen e Këshillit të Sigurisë Kombëtare. Ai ngre pyetjet se pse Edi Rama refuzon të japë informacion për Balilin, pse ka frikë të ballafaqohet.
Paloka e cilëson Klement Balilin, dëshmi të kontrollit të krimit mbi qeverinë, dëshmi të bashkëqeverisjes së Edi Ramës me krimin.
Deklarata e plotë e Edi Palokës:
Rama refuzon të marrë pjesë në Këshillin e Sigurisë Kombëtare me temë: “Pse nuk arrestohet Klement Balili”
Çfarë di Edi Rama për Klement Balilin që refuzon të japë informacion?
Pse ka frikë Edi Rama të ballafaqohet?
A po e mban peng Klement Balili, Edi Ramën?
Klement Balili është dëshmi e kontrollit të krimit mbi qeverinë, është dëshmi e bashkqeverisjes së Edi Ramës me krimin.
Krimi e solli në pushtet, me krimin po e mban pushtetin dhe përmes krimit shpreson ta rimarre atë.
Ne nuk mund ta lëmë vendin peng të krimit, peng të Rames, Balilëve, Habilëve, Tahirëve, Lul Berishës, Shullazit, ndokëve, roshëve, bushëve, etj.
Ja përse me 18 qershor, ne duhet të bashkohemi për të ndalur këtë të keqe e për ti hapur rrugë zgjedhjeve të lira dhe të ndershme. Ku qytetarët me vullnet të lirë të vendosin për të ardhmen e tyre.
(XH.A/SHUPLAKA)
