Ka nisur me debat seanca plenare, teksa Edi Paloka është shprehur se ndaj deputetëve demokratë ka pasur një kontroll sikur të ishin terroristë në hyrje të Kuvendit.
Ai është shprehur se Rama ka frikë, po edhe me kontrollin që iu është bërë nuk duhet që të harroj që deputetët kanë veshur këpucë.
“Pse ka frikë ai lideri juaj global, ta dij që këpucë kemi të gjithë. Na kanë kontrolluar sikur jemi terroristë. Nuk mund ta trajtoni deputetin si ‘leckë’”, u shpreh Paloka.
Ndërkohë kreu i Kuvendit Gramoz Ruçi u shpreh se tani ishtye njohur me shqetësimin dhe se do të verifikonte shqetësimin e demokratëve.
Sot në Kuvend pritet të rihidhet në votim lista për KLGJ-në dhe KLP-në. Procesi duket i dështuar ende pa nisur pasi opozita e ka shprehur qëndrimin e saj kundër.
Edhe pse në listën që propozohet për herë të dytë në Kuvend janë bërë disa ndryshime, për opozitën i gjithë procesi ka qenë i ndikuar politikisht. Në mënyrë që lista, që do të votohet në bllok të kalojë, në Kuvend duhen 94 vota, që PS-ja nuk i ka.
Po ashtu Kuvendi edhe pse nuk e ka të parashikuar në rendin e ditës, pritet që të kthehet në një arenë të vërtetë ‘lufte’ për shkak të çështjeve të fundit të politikës.
(E.K/FAXWEB)
