Pamela Anderson “fajëson” viktimat e Weinstein: “Ato e dinin se çfarë po bënin kur shkuan tek ai”

Ylli Baywatch u shfaq në Megyn Kelly për të diskutuar përvojën e saj personale, gjithashtu komentoi mbi abuzimet  seksuale në Hollywood duke deklaruar që nuk ishte e befasuar  nga akuzat e bëra kundër manjatit Weinstein shkruan Indipendent

“Mësova të mos bie kurrë në një situatë të tillë. Kur erdha në Hollywood, më ofruan të ashtuquajturat audicione private dhe gjëra që nuk kishin kuptim. E di se Hollywood-i është joshës dhe njerëzit duan të jenë të famshëm, dhe nganjëherë mendoni se do të jeni të sigurt me një të rritur në dhomë “, tha Pamela.

Ajo tha se nuk ishte e habitur kur filluan akuzat e shumta ndaj Harvey Weinstein për ngacmim seksual. “Unë mendoj se të gjithë e dinë se disa producentë dhe njerëz në Hollywood duhet të shmangen. Ti e di se çfarë do të bësh kur të shkosh në dhomën e hotelit”, tha ajo.(M.Q/Faxweb)