Fax News ka siguruar pamjet eksklusive të aksidentit që ndodhi pasditen e sotme në Tiranë. Siç shihet në pamje makina me drejtues Etjon Lazrin, ka tentuar që të parakalojë mjetin që po merrte kthesën, ku nga shpejtësia e madhe nuk ka mundur që të manovojë, duke marrë para dhe goditur për vdekje dy këmbësorët.
Nga parakalimi i gabuar dhe shpejtësia e mjetit gri, mbetën të vdekur në vend dy këmbësorë të cilët ishin në trotuar, duke pritur që të kalonin rrugën në vijat e bardha. Burime nga policia bëjnë me dije se viktimat janë Erion Balla 36 vjeç nga Rresheni, Mirditë dhe Hidajete Salliu, 72 vjeçe, banuese në Tiranë.
Ndërkohë policia ka arrestuar dy drejtuesit e mjeteve, Etjon Lazri, i cili është dërguar në spital pasi është plagosur dhe Edmond Murati, i cili ndodhet në polici për zbardhjen e ngjarjes.
Rreth orës 15:15 në rrugën “Xhanfize Keko” automjeti me drejtues E. L, është përplasur me automjetin me drejtues E. M.
Si pasojë e përplasjes janë përshirë në aksident dhe dy këmbësor të cilët kanë ndërruar jetë në vendngjarje.
Dy drejtuesët e automjeteve E. L dhe E. M janë shoqëruar në komisariat për veprime të mëtejshme hetimore.
Policia rrugore ndodhet në vendngjarje, ku po vijon punën për sqarimin e rrethanave të ngjarjes dhe identifikimin e dy shtetasve që ndërruan jete.
(M.Q/Faxweb.al)
