Policia disponon një material filmik që tregon ekzekutimin e Devi Kasmit në Tiranë, natën e së enjtes. Këtë fakt e zbuloi avokati i Mario Meshinit, të riut që është arrestuar nga policia si bashkëpuntor i Domart Konjarit në vrasje.
Avokati ka treguar se klienti i tij ishte duke biseduar ngjitur me viktimën ku ndodhi vrasja.
Devi Kasmi ishte në makinë sipas tij, ndërsa Mario Meshini ishte në motor ngjitur me të, kur afrohen vrasësit me motor. Ndërsa Mario Meshini dhe Devi Kasmi ishin duke biseduar, vijnë vrasësit në një motor, qëllojnë disa herë duke ekzekutuar Kasmin, më pas drejtojnë pistoletën nga Mario Meshini.
Ky i fundit, i tronditur nga ajo që ka parë i ka folur vrasësve. I trembur, dhe me pistoletën e drejtuar në kokë, ka mundur të thotë që nuk kishte shumë lidhje me Devi Kasmin.
Vrasësit janë larguar pa e qëlluar, ka treguar avokati, që tha se klienti i tij është larguar menjëherë për në shtëpinë e tij.
‘’Nuk ka qenë i maskuar në momentin e vrasjes. Ai ka drejtuar motorin pa kaskë, që do të thotë ka qenë i hapur, dhe nuk e dinte që do ndodhte një gjë e tillë, aq më shumë që e kishte shok. Shkoi ta takonte Dëfrimin. Po ta nxirrte në pritë viktimën, s’do ndodhej aty të ekspozohej. Sikur të bashkëpunonte. Duket autori nga kamerat e sigurisë, duket personi që ka shtënë, duket dhe ky që ka qenë ngjitur me viktiminën,” tha avokati.
Mario Meshini është arrestuar nga policia si bashkëpuntor në vrasje. Dyshimet janë se nxjerrja nga shtëpia e Devi Kasmit ishte pjesë e planit për ekzekutimin e tij.
(E.K/FAXWEB)
https://www.youtube.com/watch?v=mbO2M_YWHeU&feature=youtu.be
