Pamje Live, protestuesit përplasen me policinë, tentojnë të hyjnë në Parlament

Është tensionuar situata në protestën e thirrur me emergjencë nga opozita.

Protestuesit janë konfrontuar me efektivët e policisë dhe kanë tentuar të çajnë kordonin e tyre dhe të hyjnë brenda në Parlament. Me thirrjet “Rama ik”, protestuesit kanë nisur të shtyjnë efektivët e policisë ndërkohë që Basha ka marrë mikrofonin duke iu drejtuar këtyre të fundit që të mos guxojnë të prekin me duar qytetarët.

Deputetët e PD-se janë përpjekur të qetësojnë turmën duke u bërë thirrje të zmbrapsen.
Protestuesit arritën të depertojnë disa metra në brendësi të oborrit të Kuvendit, por janë tërhequr pas ndërhyrjes së policisë e cila ka hedhur gaz lotsjellës.

Menjëherë kanë ndërhyrë dhe forcat FNSH të cilët janë përballur dhe me protestuesit të cilët kanë hedhur në drejtim të tyre shashka, tymuese si dhe pllaka guri që janë hequr nga bordurat dhe trotuari përballë Kuvendit të Shqipërisë.

Situata vijon të jetë kaotike, ndërsa policia hedh gaz lotsjellës çka ka bërë që të shpërndahen dhe deputetët e opozitës si dhe eksponentët kryesorë të saj.

Kjo protestë u thirr me urgjencë nga partitë opozitare pas vendimit të kryesisë së Kuvendit për zhvillimin e seancës parlamentare 2 ditë më herët nga sa ishte parashikuar.

Gjithashtu kryeministri Rama sot nuk është i pranishëm në seancë parlamentare, pasi po zhvillonte një takim me qytetarët në Bashkinë e Lushnjë në kuadër të turit “Bashkia që duam”. Mësohet gjithashtu se ai është nisur drejt Tiranës, por nuk dihet nëso do të jetë në sallën e Kuvendit