Pamje nga vendngjarja/ Mjeti bëhet copë pas përplasjes me kamionin, vdesin 3 persona, një tjetër në gjendje të rëndë

Një aksident tragjik ka ndodhur mbrëmjen e sotme në Fushë- Krujë, ku 3 persona kanë vdekur dhe 1 tjetër ndodhet në gjendje të rëndë.

Aksidenti ka ndodhur pranë kryqëzimit të Borizanës, ku një automjet ka goditur një kamion nga pas, duke shkaktuar dhe bilancin tragjik.

Nuk ka ende detaje lidhur me identitetin e personave që kanë mbetur të vdekur, ndërsa dyshohet sde ata kanë qenë në mjetin që ka goditur nga pas kamionin.

Dyshohet se në mjet ishin duke udhëtuar tre të rinj, dhe shkak për aksidentin ka qenë shpejtësia e lartë me të cilën ata po udhëtonin.

Edhe pse supozohet që qarkullimi të jetë bllokuar në të gjithë vendin pas orës 18:00 të mbrëmjes, mesa duket kjo nuk është zbatuar në Fushë Krujë.

Njoftimi i policisë:

Më datë 18.03.2020, rreth orës 20:30, në autostradën Fushë Krujë-Laç, një mjet tip “Audi”, i ka rënë nga mbrapa një kamioni me targa kosove dhe për pasojë, kanë ndërruar jetë  3 shtetas  që udhëtonin në mjetin Audi dhe një tjetër është dërguar në gjendje kritike për jetën në spital.

Grupi hetimor ndodhet në vendngjarje dhe po punon për zbardhjen e shkakut të aksidentit.

(E./Faxweb.al)