Burime bëjnë me dije për Faxweb.al se mbrëmjen e sotme i është vënë flaka dy makinave në bulevardin kryesor të qytetit të Elbasanit.
Sipas burimeve bëhet fjalë për mjetin e ish-gjyqtarit Arben Vrionit dhe bashkëshortes së tij, të cilat janë djegur pothuajse plotësisht.
Vrioni u shkarkua nga detyra e kreut të gjykatës së Apelit në Durrës në Janar të këtij viti, për shkak se nuk mundi që të kalonte Vetingun, pas dyshimeve për pasurinë dhe disa transaksioneve të dyshimta.
Dyshohet se ngjarja e sotme në Elbasan ka qenë e qëllimshme, dhe pavarësisht ndërhyrjes së zjarrfikësve, mjetet pothuajse janë shkrumbuar tërësisht. Policia e Elbasanit ka dhene dhe njoftimin zyrtar per këtë ngjarje, që duket se ka rikthyer ngjarjet e rënda kriminale në qytetin e Elbasanit.
Njoftimi i policisë:
Në lagjen “Kongresi”, Elbasan, ka rënë zjarr dhe djegur 2 mjete në pronësi të shtetasit A.V., 59 vjeç, banues në Elbasan, të cilët ishin të parkura në rrugë.
Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes.
Vrioni ka pasur disa çështje të nxehta në dorë, mes tyre dhe lirimin e Lulzim Berishës, kreun e bandës së Durrësit, apo gjykimin e Emiljano Shullazit, si pjesë e treshes gjykuese.
Vrioni nuk arriti të justifikonte mbi 6.5 milion lekë investime dhe pasuri, ndërsa përpjekjet e tij për të shpjeguar disa transaksione e futën atë në telashe të tjera.
Trupa që gjykoi rastin vendosi të shkarkonte gjyqtarin duke arsyetuar se ai kishte “mungesë burimesh financiare të ligjshme” dhe kishte bërë “deklarim të pasaktë e të pamjaftueshëm”.
(E.K/Faxweb.al)
Discussion about this post