Kina prej ditësh po lufton me një nga epidemitë më të tmerrshme që ka njohur ndonjëherë vendi komuinist, atë të koronavirusit, ku shifrat e njerëzve që kanë humbur jetën sa vijnë e shtohen e po ashtu edhe atyre që po luftojnë me vdekjen.
Numri i vdekjeve nga koronavirusi ka arritur në mbi 900, ndërsa zyrtarët e shëndetit raportuan 97 vdekje të reja vetëm të dielën.
Sipas zyrtarëve të shëndetësisë janë raportuar 3.062 raste të reja të virusit, duke i dhënë fund prirjes shumë ditëshe të rënies së numrit të rasteve që kishte sjellë shpresat se masat e kontrollit do të funksiononin.
Në internet po qarkullojnë video të tmerrshme, të familjeve që nxirren zvarrë nga banesat, rrugë të boshatisura dhe supermarkete që po u mbaron ushqimi.
Në videon e mëposhtme shihet sesi një grua e prekur nga koronavirusi “paketohet” në një kafaz të vogël dhe të izoluar dhe transportohet me makinë drejt një destinacioni të paditur. Pas mbylljes në kafaz, dëgjohen ulërimat e gruas, e cila u nda nga bashkëshorti.
Discussion about this post