Një denoncim tronditës ka bërë në rrjetet sociale ish-deputeti demokrat, përfaqësues i Qarkut të Elbasanit, Luçiano Boçi.
Përmes pamjeve filmike, ai pretendon se në qendrën ekonomike të arsimit në Elbasan, nën mbikqyrjen e Policisë Bashkiake, po shpërndahen qeset me ushqime ndaj të vobektëve që sipas tij, është vetëm faza fillestare e nisjes së blerjes së votave.
Boçi shkruan më tej se, faza e dytë është ajo e blerjes së votës me para në dorë, duke shtuar gjithashtu se këto janë zgjedhje dramatike që kërkon të imponojë regjimi.
Denoncimi i plotë:
SKANDAL!
Ja si e hap fushatën elektorale PS në Elbasan.
Fillon e blen vota që ditën e parë.
Me anë të Bashkisë me mbikqyrjen e policisë bashkiake, me lista, shpërdajnë qeset me ushqime për t’i marrë më të vobektëve më pas votën.
Pamjet shokuese janë marrë tek qendra ekonomike e arsimit.
Gjithçka në mes të ditës e në mes të njerëzve.
I gënjejnë me një grusht ushqimesh sot për t’i marrë erzin, shpirtin, jetën e gjithçka nesër, këtyre e gjithë shqiptarëve.
Kjo pra është faza e parë e blerjes së votës.
Faza e dytë është me para kesh në dorë.
Këto janë zgjedhjet demokratike që kërkon të imponojë regjimi!!!
(F.GJ/FAXWEB.AL)
