Presidenti Meta që prej marrjes së detyrës së re është tërhequr nga daljet e përditshme në media dhe ka preferuar që mes të tjerave të gjej dhe pak më shumë kohë për veten.
E gjithnjë e më shumë në formë të mirë fizike ai ka pasur një mesazh për të përcjellë dhe për malet e Shqipërisë gjatë ditës së sotme.
“Miq të dashur, Shqipëria jonë është e mbushur me male nga më të bukurit në botë. Në kuadër të Ditës Ndërkombëtare të Maleve, të ndërgjegjësohemi për të mbrojtur e promovuar Alpet dhe malet tona, natyrën e mahnitshme, pyjet, lumenjtë e liqenet, për të ardhmen e shëndetshme të fëmijëve dhe të gjithë qytetarëve”, shkruan Presidenti Meta.
I veshur sport dhe me një pejsazh vërtet si në kartolina, Presidenti na ka dhënë sot një imazh vërtet për të mos u humbur.
Duhet thënë se në këto ditët e fundit Meta është shprehur në mbështetje të Kushtetutës sa i takon zgjedhjes së kryeprokurorit të ri.
(E.K/FAXWEB)
Discussion about this post