Njëri prej pronarëve të godinës që u shemb tek stadium “Arena Kombëtare”, Engjëll Burimi deklaroi para pak minutash se në fillim të aksionit të INUV-it-së kishte vënë re persona që po largonin material nga godina ndërkohë që fadromat nisën punën për prishjen e kësaj të fundit, ç’ka sipas tij rrezikonte seriozisht jetën e tyre.
Ndërkohë, Faxweb.al ka siguruar pamjet ku personat në fjalë, që mendohet se janë pronarë apo persona të afërm të tyre që largojnë materialet nga ndërtesa dhe nga ana tjetër eskavatorët kanë nisur punën për shembjen e saj.
Siç duket edhe nga pamjet, situata është mjaft e papërgjegjshme pasi bëhet fjalë për jetë njerëzore që ndodhen në katin e fundit të godinës në të njëjtën kohë kur eskavatorët shembnin kollonat e saj.
Video është realizuar në orët e para të mëngjesit, kohë kur edhe ka nisur ky aksion nga ana e INUV-it.
Ndërkohë mësohet se leja për ndërtimin e kësaj godinë ishte firmosur nga kryeministri Edi Rama në vitin 2011, që në atë kohë ka qenë kryebashkiak i Tiranës.
Pavarësisht se në po të njëjtin vit kur në krye të bashkisë së Tiranës erdhi Lulzim Basha dhe Policia Bashkiake tentoi ti pezullonte punimet, Gjykata e rrëzoi pretendimin e Bashkisë duke lejuar nisjen e tyre.
(F.GJ/FAXWEB.AL)
