Pamjet e mësipërme të siguruara nga Faxweb.al tregojnë flakët që kanë pushtuar një fabrikë të prodhimit të dyshekëve në Kavajë e cila sipas gazetares Albana Aliaj është në pronësi të babait të kryebashkiakut, Redjan Krali.
Godian e biznesit të Gjergj Kralit është shkrumbuar nga flakët ndërsa një persona raportohet se asfiksuar e për pasojë ka humbur ndjenja, dhe është transportuar në spital. Mësohet se ai është roja e godinës dhe fatmirësisht është jashtë rrezikut për jetën.
Flakët kanë nisur në orën 19:00 të mbrëmjes së sotme, ndërsa kanë mbërritur në vendngjarje forcat zjarrëfikëse. Dyshimet e para janë se zjarri mund të ketë qenë aksidental ndërsa nuk dihet ende për përllogaritjen e dëmeve.
Informacion paraprak:
Rreth orës 19:10 në rrugën nacionale Kavajë-Rrogozhinë fabrika në administrim të shtetasit Gj. K, është përfshirë nga flakët, ku si pasojë ka veç dëme materiale.
Policia dhe shërbimi i zjarrfikses kanë shkuar menjëherë në vendngjarje.
Paraprakisht dyshohet se zjarri është aksidental.
Grupi hetimor ndodhet në vendngjarje, ku po vijon punën për sqarimin e rrethanave të ngjarjes dhe shkakut të rënies së zjarrit.
(F.GJ/FAXWEB.AL)
