PAMJE TË REJA/ Djegia e pyjeve në Seman të Fierit (Video)

Zjarri në pyllin e Semanit ka shkaktuar djegien e 2 hektarëve pyje më së shumti dy katet e para të bimësie, barishtoret dhe shkurret.

Ndërkohë pamjet e siguruara në ‘Fax News’ tregojnë dhe sipërfaqen e përfshirë nga flakët. Bëhet me dije nuk ka dëme në njerëz apo kabina, të cilat mund të dëmtoheshin nga flakët. Mësohet janë tre vatra zjarri në vendin e quajtur ‘Popma e Semanit’, në afërsi të plazhit.

Helikopteri ‘Cougar’ i Forcave Ajrore ka ndërhyrë në Seman të Fierit për të shuar flakët.

Helikopteri i FA bart kova uji me kapacitet 2500 litra.

Prefekti i Fierit, Baki Bala ka kërkuar që qytetarët të jenë më të kujdeshëm në situata të tilla.

Gjithashtu ai ka thënë se janë  rreth 60 forca në terren, nga zjarrfikësit, emergjencat civile dhe inspektoriati pyjeve për të ndalur përhapjen e flakëve.

https://www.youtube.com/watch?v=QrwPI6BKlAQ&feature=youtu.be

https://www.youtube.com/watch?v=yFyNGOPDOeU&feature=youtu.be

https://www.youtube.com/watch?v=kooJuMdL8iQ

https://www.youtube.com/watch?v=RcwPz_bDVLQ

(B.H/Faxweb)