Të tjera pamje kanë dalë nga grabitja e ndodhur të martën në orën 15:00 në Rinas.
Në pamjet e mëposhtme shihet furgoni i grabitjes duke u futur në rrethimin e aeroportit dhe më pas për të bërë grabitjen.
Po ashtu shihet qartë momenti kur një prej grabitësve thyen çelësin e derës së zjarrfikëses dhe më pas furgoni futet brenda, ndërsa në sfond shihen dhjetra qytetarë, mes tyre dhe udhëtarë, që kanë parë nga larg të gjithë skenën.
Burime nga policia kanë bërë të ditur se momenti i grabitjes ka ndodhur në momentin e ndërrimit të turneve të punonjësve të sigurisë në aeroportin e Rinasit.
Ka qenë zjarrfikësja që ka lajmëruar për thyerjen e perimetrit të sigurisë, pasi ka marrë sinjalizimin e hapjes së derës.
Ndërkohë që kamerat e sigurisë të vendosura nga ICTS-ja mësohet se janë totalisht jashtë kontrollit.
Nga ana tjetër policia në Rinas është inekzistente, ndërsa Forcat e Ndërhyrjes së Shpejtë janë njoftuar gojarisht në lidhje me ngjarjen dhe më pas janë vendosur në ndjekje.
Discussion about this post