Një aksident i rëndë ka ndodhur pak minuta më parë në fshatin Melgushë, në aksin Shkodër-Bushat. Një kamion ka përplasur një burrë që po drejtonte një motoçikletë.
I plagosuri është Zef Paloka 60 vjeç dhe aktualisht ndodhet në spital në gjendje të rëndë shëndetsore.
Nga pamjet në videon e mëposhtme publikuar nga Faxweb.al i aksidentuari qëndron i shtrirë përtokë, i mbuluar me gjak pasi ambulanca nuk ka ardhur akoma.
Ende nuk ka një njoftim zyrtar nga Policia në lidhje me shkaqet e aksidentit.
Njoftimi i Policisë:
Me datë 19.04.2019 rreth orës 08:40 jemi njoftuar se në aksin rrugor Shkodër – Lezhë, në vendin e quajtur fshati Melgushë, një motorçikletë është përplasur me mjetin tip Kamion me drejtues shtetasin E. Z. ku për pasojë është dëmtuar drejtuesi i motorrit shtetasi Z. P. 60 vjeç, i cili është dërguar në Spitalin Rajonal Shkodër në gjendje të rëndë.
Veprimet po kryhen me grup hetimor për sqarimin e rrethanave të aksidentit.
(j.b/faxweb.al)
