Një ngjarje tronditëse ka ndodhur këtë mëngjes në qytetin e Fierti. Safete Begaj ka gjetur vdekjen e menjëhershme, pasi është hedhur nga kati i tetë i pallatit ku jetonte bashkë me personin që bashkëjetonte.
19-vjeçarja ishte nga fshati Perondi i Beratit, ndërsa Artur Çala 33 vjeç është nga Topoja e Fierit. Sipas dëshmive të para çifti kishte pasur vazhdimisht probleme, madje ndër të tjera ata kanë qenë me precedentë penalë për vjedhje të kryer në bashkëpunim.
Po ashtu mësohet se Çala gjatë dëshmisë së tij në Polici pas ngjarjes është shfaqur në gjendje të rënduar psikologjike.
“Ajo vetëm qante, nuk e kuptoja dot se çfarë kishte” ka thënë ai para policisë në gjendje të tronditur.
Çifti dyshohet se ka qenë zgjuar në atë orë, nisur edhe nga fjalët e para që tha i dashuri i saj para hetuesve. Pritet dëshmia e plote e tij për të hedhur dritë rreth ngjarjes së rëndë.
(E.K/SHUPLAKA)
https://www.youtube.com/watch?time_continue=9&v=qs9pRzC9XQY
