Pamje të rënda/ Tragjedia e dytë në boks brenda javës, vdes argjentinasi (Video)

Një boksier argjentinas ka ndërruar jetë dje pasi pësoi dëmtime të shumta gjatë ndeshjes, duke shënuar tragjedinë e dytë në boks brenda një jave.

23-vjeçari Hugo Santillan, i cili ishte në kategorinë e peshës super të lehtë, ra në tapet menjëherë pasi ngriti grushtet e tij në shenjë fitoreje pas ndeshjes me uruguajanin Eduardo Javier Abreu.

Sipas mediave lokale, boksieri pësoi mpiksje gjaku në tru dhe atak kardiak. Lajmi vjen vetëm dy ditë pas vdekjes së boksierit rus Maxim Dadashev, i cili ndërroi jetë nga dëmtimet e shumta të pësuara në kokë gjatë një ndeshjeje në Merilend të SHBA-së.