Kjo është shtëpia e liderit të studentëve të Dhjetorit që sollën demokracinë në Shqipëri e ndërtuar rreth viteve ’80 dhe e klasifikuar si monument kulture.
Në fakt, pamjet e mëposhtme nuk janë pasojë e tërmeteve por i harresës ndërsa njihet si një nga ndërtesat më të bukura në gjithë Tropojën.
Trarët i janë shembur e për pasojë edhe tjergullat kanë lëvizur duke krijuar hapësirë që të depërtojë shiu brenda, muret kanë marrë plasaritje dhe tavanet janë shembur, e ajo çfarë shfaqet si përfundim është zbrazëtia, rrënimi.
Kulla dy katëshe ndodhet në periferi të Tropojës, në një kodër të vogël ndërsa duket sikur shikon një qytet që edhe ai po zbrazet sidomos nga ikja e të rinjve mosha e të cilëve rreth 30 vite më parë Azem Hajdari i doli në ballë sistemit komunist.
(F.GJ/FAXWEB.AL)
Discussion about this post