Pamjet e operacionit të bujshëm/ Si u arrestuan 61 persona për trafik droge, mes tyre dhe nëndrejtori i spitalit (Video)

Kreu i Policisë Ardi Veliu në një deklaratë për mediat ka dhënë detaje nga operacioni kundër trafikut ndërkombëtar të drogës.

Në raste të ndryshme të trafikut, në total janë arrestuar 61 persona, mes tyre dhe nëndrejtori i spitalit të Sarandës Florenc Llanaj, i cili kishte rol aktiv në këtë grup.

Përgjimet e një grupi kriminal që merrej me trafikun e drogës nga Shqipëria në Greqi, kanë zbuluar një rast të korrupsionit në drejtësi. Prokurori i pezulluar është me inicialet S.Ç. (Lexo edhe ketu) 

Dy grave, nga Saranda dhe Kuçova, u është ndaluar dalja jashtë Shqipërisë, dhe janë në masë “detyrim paraqitje.

Ndërkohë, katër persona që aktualisht ndodhen në burg për vepra të tjera penale, do të hetohen edhe për përfshirjen në këtë grup kriminal

Deklarata e policise: 

Mega operacion ndërkombëtar për goditjen e një grupi kriminal në fushën e trafikut të drogës. Në bsahkëpunim me Greqinë pas një hetimi prej 10 muajsh u finalizua operacioni ‘Brezi i Gjelbër’. U përfshinë forcat e FNSH dhe drejtorive vendore Tiranë, Fier, Elbasan, Korcë dhe Sarandë, u goditën anëtarë të grupeve kriminale.

Në bashkëpunim me grekët janë zhvilluar operacione në Greqi, në Igumenisë janë sekuestruar 76 kg kanabis të trafikuara nga Shqipëria dhe u arrestuan tre shqiptarë; në datë 6 dhjetor 2018 u sekuestruan 76 kg, në 13 dhjetor 43 kg kanabis, në 15.01.2019 në Igumeniës u sekuestruan 35.1 kg kanabis të trafikuara nga Shqipëria dhe u arrestua K.M. nga Shqipëria. Në 21 janar 2019, u sekuestruan 22 kg kanabis, në 5.02.2019 u sekuestruan 21 kg kanabis në Igumenisë dhe u arrestuan dy shqiptarë nga Korca. Në 7 shkurt në Athinë u arrestuan dy shqiptarë dhe dy grekë dhe u sekuestruan 249 gr kanabis. Në 5 shkurt në 2019 në Igumenicë u arrestuan një shqiptar dhe një grek me 32 kg kanabis. Në Athinë u arrestua një ruse dhe u sekuestruan 6 kg kanabis.

Në 23 mars u arrestua në Igumenisë një grek dhe u sekuestruan 66 kg kanabis. Rastet në Shqipëri në 24 nëntor 2018 u arrestuan tre persona në Tepelenë dhe u sekuestruan 60 kg kanabis. Në 19.12.2018 u arrestua K.Z dhe u sekuestrua 20 kg kanabis, në 26.03. 2019 u kapën në Elbasan tre shqiptarë dhe u sekuestrua 28 kg kanabis.

U hetua një rast korrupsioni në sistemin e drejtësisë, u procedua dhe pezulla S. C prokuror në Gjirokatër. Këta janë akuzuar për korrupsion dhe deklaratë të rreme. Në 22 janar u goditën 6 anëtarë të grupeve kriminale. Këta janë akuzuar për vjedhje me dhunë dhe armë në bashkëpunim. Në 6 maj u lëshuan 26 masa arresti dhe ndalimi i daljes jashtë vendit për 2 persona. U kapën 14 persona dhe u kontrolluan 30 banesa. Akuzohen për trafik droge, grup kriminal.

Të arrestuar deri tani;

P.N

N.R.

B.Y

1. LL
2. XH

M.M

K.S

F.LL

E.ZH

D.XH

Ndalim i daljes jashtë vendit;

J.J

S.S

Ndodhen ne burg;

K.Z

E.H

D.N

A.C

Janë ndaluar në total 61 shqiptarë dhe të huaj. Janë sekuestruar një ton kanabis, mbi 1 kg heroinë dhe kokainë, 10 peshore elektronike dhe sasi eurosh dhe lekë. Vijon puna për zbardhjen e grupit.