Ministri i Bujqësisë, Zhvillimit Rural dhe Administrimit të Ujrave, Edmond Panariti nuk ka lenë pa komentuar edhe cilësinë e miellit serb që hyn në vendin tonë.
Panariti nga Korça është prononcuar në lidhje me cilësinë e miellit serb që është duke hyrë në vendin tonë dhe ka siguruar konsumatorët se ky miell është brenda të gjitha standarteve. Sipas tij ky kjo ka dalë pas analizave të kryera.
Më tej ministri Panariti ka komentuar edhe çmimin kur tha se eshte kërkesë oferta ajo që e rregullon tregun. “Mielli serb është duke pasur sukses për shkak të çmimit të tij rreth 20 % më të ulët se ai vendas”, tha ministri.
Ndërkohë Panariti ka pranuar se qeveria nuk subvencionon prodhuesit në vendin tonë për shkak të sipërfaqeve të vogla që zë kjo kulturë bujqësore, ndërsa tha se qeveritë e tjera përfshi ato ruse e serbe subvencionojnë prodhuesit e miellit, çka sjell edhe një çmim më të ulët të këtij produkti.
Për personat që janë të inkriminuar sipas ministrit duhet t’i nënshtohen proçesit të Vettingut. “Personat që janë pjesë e procesit të Vetingut duhet t’i nënshtrohen këtij proçes”, kështu është shprehur Panariti. Ai tha gjithashtu se respekton protesten e opozites por nuk bëhet fjalë për qeveri teknike, për shkak se qeveria aktuale është e mandatuar deri me 18 Qershor dhe kjo nuk mund të ndryshojë. Panariti e ka mbyllur komentin e tij për situaten politike në vend me një batute kur tha: “Ujku, ujku, por çakalli bën kçrdinë”. (J.V/Shuplaka)
