Ish-ministri i Bujqësisë, Edmond Panariti i ftuar në studion e Fax News për të folur mbi rekomandimin e KE për çeljen e negociatave të Shqipërisë.
Panariti u shpreh optimist se në qershor, vendet anëtare do t’ia japin Shqipërisë çeljen e negociatave pasi vendi ka kryer reforma të rëndësishme, pavarësisht vështirësive.
Panariti theksoi se BE gjithmonë e më shumë po i përmbahet standardeve në zgjerimin e mëtejshëm duke mos përsëritur anashkalimin e tyre si në rastin e Bullgarisë e Rumanisë, gjë e cila solli shumë probleme dhe rriti nivelin e euroskepticizmit.
“Ajo që mbetet për t’u parë është që tani që morëm një rekomandim pa kushte për çeljen e negociatave, ky rekomandim të kthehet në fakt në fund të qershorit. Të kemi shpallje të procesit të negociatave.” – tha ish-ministri.
Panariti tha se janë dy vende – Franca e Gjermania – që kanë shfaqëur kritika në përmbushjen e kritereve të Shqipërisë.
“Vendimet shpallen ne Bruksel por merren në Berlin. Gjermania ka kapacitetet për të ndikuar mbi vendet e tjera anëtare.
Në Bundestag, Krichbaum ka mbajtur nje qëndrim jo pozitiv. Duhet parë dhe gjykuar ajo që ka deklaruar duke thënë qartë: Që në procesin e çeljes së negociatave nuk do të bazohemi vetëm mbi progresraportin e KE, por edhe në dokumenta të tjera. Këto dokumenta të tjerë mund të jenë ato të Freedom House në rastin konkret apo raporte të institucioneve të tjera ndërkombëtare.” – tha ai.
Panariti u shpreh se BE në politikën e tij të zgjerimit ka ndryshuar qasje disa herë. Në rastin e anëtarësimit të vendeve ish-komuniste si Rumania e Bullgaria, nuk ishte një proces i bazuar në merita më tepër sesa një process politik për të konsoliduar kufijtë ndaj një ndikimi rus të mundshëm në këto vende. BE anashkaloi standardet në këtë rast.
“Kjo gjë krijoi skepticizën në vendet anëtare dhe nga faza e zgjerimit u kalua në moszgjerim.
BE po mëshon gjithmonë e më shumë me standardet, që të mos ndodhë ajo që ndodhi me Rumaninë e Bullgarinë.
Shqipëria do të ketë pressing të madh nga hapja e mundshme e negociave. Nëse tani zyrtarët evropianë vijnë një herë në muaj, po u çelën negociatat ata do të vijnë javë për javë sepse duhen çelur dhe plotësuar kapitujt.” – theksoi Panariti.
(E.L./Faxweb)
