Pandeli Majko kapet mat me gruan, ironizon gazetarët që e bënë lajm

Deputeti i PS-së Pandeli Majko, gjatë festave të nëntorit, është fotografuar teksa bënte pazarin në Milano të Italisë.

Në foton e publikuar nga “Jeta Osh qef”, deputeti shihet në krah të bashkëshortes.

Çifti ndodhej në zonën e Duomos, zonë e cila sipas raportimeve i ka çmimet mjaft të larta.

Deputetit socialist nuk i ka pëlyer fakti që fotografia është përhapur në media e nëpër rrjete sociale. Shumë i intriguar ai regon përmes një shkrimi në Facebook:

“Dikush më ka fotografuar me gruan time në një market popullor jashtë vendit. Ka dalë në faqen “Jeta Osh Qef”… Lajmi shoh që është hapur për “qef” edhe nga mediat serioze. Ky është ai momenti kur kupton se të dalesh jashtë vendit është gabim. Të hysh në dyqan me gruan është “gabim” edhe më i madh.
Ju falenderoj për humorin se lajmin nuk e shoh.”

Kjo është hera e parë që Majko kapet duke bërë Pazar, jashtë imazhit të tij zyrtar.