Ish ministri i Mbrojtjes Luan Hajdarga u përcoll dje për në banesën e fundit mes nderimeve zyrtare. Kuvendi i Shqipërisë organizoi homazhe për dy orë në sallën e seancave plenare, ku morën pjesë shumë personalitete të njohura të politikës.
Ministri për Diasporën Pandeli Majko kujtoi kohën e bashkëpunimit mes tyre kur Hajdaraga ishte ministër i Mbrojtjes dhe Majko kryeministër dhe tha se ai dinte gjithmonë që të na qetësonte.
“Është mbi të gjitha një njeri, një njeri shumë i veçantë dhe një njeri që për secilin ka lënë gjëra që vlen të kujtohen. Për mua, kjo ka të bëjë me cilindo, i cili në një mënyrë apo tjetër kalon kufirin midis jetës dhe vdekjes. Do të na presë edhe ne të tjerëve për të na kërkuar llogari. Kur kam qenë Kryeministër dhe Luani ministër i Mbrojtjes, edhe në momentet më kritike, më delikate kur qëllonte të ngrija zërin dhe për arsye të situatës, ishte ai që na qetësonte: Do rregullohet, do zgjidhet, do bëhet, ky ishte Luani”, u shpreh Majko.
(M.Q/Faxweb)
