Menjëherë pas përfundimit të mbledhjes të grupit parlamentar të Partisë Socialiste, Pandeli Majko dhe deputeti tjetër i PS-së, Taulant Balla folën për reformën në drejtësi dhe i bënë thirrje PD-së të ndryshojë qëndrim.
Pandeli Majko, i cili u përqëndrua tek reforma në drejtësi, tha se është humbur shumë kohë deri tani, ndaj duhet reaguar sa më shpejt duke u marrë në konsideratë rekomandimet e një institucioni serioz siç është Komisioni i Venecias.
“Duhet të them qartazi se Komisioni i Venecias hedh të zezën mbi të bardhë. Duhet bërë sa më shpejt implementimi i refomës pasi është humbur shumë kohë. Zbatimi i ligjit do të hyjë në fuqi menjëherë pasi vendimit të Kushtetueses. I bëj thirrje Partisë Demokratike të bëhet më serioze.”, deklaroi Majko.
Të njëjtin vlerësim shprehu edhe deputeti socialist Taulant Balla, pas përfundimit të mbledhjes së grupit parlamentar. Ai bëri me dije se ekspertët e PS-së kanë gati një draft lidhur me ndryshimet ligjore. Ai bëri me dije se grupi parlamentar socialist mbështeti kërkesën për shtyrjen prej një muaji të reformës, duke e cilësuar si kohë e mjaftueshme.
“PD të heqë dorë nga ideja se ka një platform. Kemi një komision që diskuton rekomandimet e OSBE. Nëse Lulzim Basha është dakord, e ftoj që nesër të mbledhim komisionin dhe të diskutojmë rekomandimet e përkthyera në amendamente.”, u shpreh Balla, i cili theksoi se deri më tani opozita nuk ka paraqitur asnjë amendament të vetëm.
Deputeti i PS-së u ndal edhe tek reforma zgjedhore, kryesisht tek çështja e votës së emigrantëve, për të cilën tha se nuk e kupton përse Partia Demokratike është kundër votës së emigrantëve në zgjedhjet parlamentare.
Discussion about this post