Presidenti Ilir Meta ka thirrur mbledhjen e Këshillit të Sigurisë Kombëtare ditën e nesërme dhe ka folur për disa skenarë ndërkombëtarë dhe kombëtarë.
Në një intervistë me gazetarin Lutfi Dervishi, në emisionin “Përballë”, Meta tha se tani është momenti për të diskutuar edhe një herë, jo vetëm për masat e marra deri tani, por edhe për një plan afatgjatë.
I pyetur nëse kjo mbledhje do të jetë virtuale apo do të jetë këtu në selinë e Presidentit të Republikës
Meta tha se do të ketë në konsideratë situatën e veçantë dhe respektimin edhe të distancave sociale për këtë rast.
Meta foli edhe me detaje për këtë mbledhje të rëndësisë së veçantë duke treguar edhe se për cfarë do të flitet më shumë.
Meta:”Bashkëpunimi ka qenë i vazhdueshëm për përballimin e kësaj sfide të re dhe tërësisht të pazakontë. Tani është momenti për të diskutuar edhe një herë, jo vetëm për masat e marra deri tani, por edhe rreth parashikimit mbase për një plan më afatgjatë, në varësi me skenarët e zhvillimit të kësaj pandemie në nivel kombëtar por edhe ndërkombëtar.
Njëkohësisht do përqëndrohemi edhe tek skenarët e ndikimit në ekonomi, në jetën sociale, në mënyrë që në çdo aspekt të jemi sa më të mbrojtur dhe të dalim nga kjo situatë e jashtëzakonshme me sa më pak pasoja, si për sa i takon shëndetit të qytetarëve tanë, por edhe ekonomisë tonë kombëtare dhe familjare”.
Discussion about this post