Instituti i Shëndetit Publik në Maqedoni, raporton që 6 persona janë prekur nga sëmundja e malaries.
“Jemi të shqetësuar sepse këto raste janë shtuar kohën e fundit. Gjithë këto raste janë persona të rinj prej moshës 28 deri 58 vjeç, të cilët kanë shkuar për punë dhe nuk janë kujdesur apo mbrojtur nga kjo sëmundje.”, është shprehur Zharko Karaxhovski nga ISHP.
Sipas autoriteteve vendase, kjo sëmundje ka ardhur nga Republika Jugafrikane, nga qytetarë të cilët kanë qenë atje për punë të përkohshme.
Mësohet se të sëmurët me malaria, kanë punuar në Mali, në Angolë dhe në Sierra Leone.
Tre prej të sëmurëve janë nga Tetova, dy nga Shkupi dhe një nga Gostivari, të gjithë të moshave nga 28-58 vjeç.
Autoritetet bëjnë me dije se një nga të sëmurët, një 28-vjeçar nga Tetova ndodhet në gjendje të rëndë, pasi ëshët diagnostikuar me formën më të rëndë të sëmundjes.
Epidemiologët shprehen të shqetësuar se sëmundja infektive mund të përhapet, prandaj u bëjnë thirrje personave që udhëtojnë në vendet e rrezikuara që të bëjnë kujdes ndaj sëmundjeve të tilla të rrezikshme. (D.D/Shuplaka)
Discussion about this post