Prej tre muajsh në fshatin Prokuples, Gornje Kordince (Serbi) mbretëron frika dhe paniku pasi aty vdiqën pesë persona, emri i të cilëve fillonte me shkronjën “S”, bën me dije gazeta serbe “Kurir”, raporton koha.net. Në këtë fshat jetojnë 120 banorë e mesatarisht janë nga 60-vjeç.
“Së pari vdiq Stanojlo, pastaj Slobodani. Pas tyre Stojani, e para dhjetë ditësh edhe Sveta. Kaq mjaftoi që në fshat të fillonin tregimet se po vdesin meshkujt emri i të cilëve fillon me shkronjën S dhe ata emra u quajtën të mallkuar. Pastaj të martën e kësaj jave vdiq edhe Stole…
Dhe tani në këtë fshat ka filluar frika nga vdekja e të gjallëve që emrat u fillojnë me këtë shkronjë”, shkruan “Kurir”. “Nuk vjen vdekja për shkak të emrit, por për shkak të tensionit. Fshati na është zbrazur dhe fëmijët nuk duan të jetojnë më këtu e neve jetojmë me frikën se po na vjen vdekja. Dikur emrat me shkronjën S ishin në modë ndaj dhe çdo i dyti quhej Slobodan, Stanojlo, Stole…”, thotë një 84 vjeçar.
Fshtarët janë aq të frikësuar sa kanë nisur të mendojnë të ndryshojnë edhe emrat. Një banor i quajtur Slavisha ka deklaruar për “Kurir” se me shumë gjasa do ta ndryshonte emrin. “Do ta ndryshoj emrin, kurrë s’ më ka pëlqyer”, ka thënë ai. (J.V/Shuplaka)
