Pas konfirmimit të dy rasteve me koronavirus në vendin tonë, kryeministri Edi Rama ka reaguar sërish me anë të një postimi në rrjetet sociale, duke shpërndare një publikim të presidentit amerikan Donald Trump.
Rama shkruan se frikë nuk duhet të kemi, por kujdes duhet të kemi shumë.
Postimi i plotë
FRIKË ASPAK, KUJDES SHUMË!
Ky prononcim i Presidentit të Shteteve të Bashkuara nuk duhet lexuar kurrësesi si një ftesë për moskokëçarje, por thjesht si një fakt për të mos humbur qetësinë e kthjelltësinë:
“Vitin e shkuar 37.000 amerikanë humbën jetën nga gripi i zakonshëm. Mesatarja vjetore e vdekjeve nga gripi (SHBA) është mes 27.000 dhe 70.000 në vit. Asgjë nuk ndalet, jeta&ekonomia vazhdojnë. Në këtë moment janë konfirmuar 546 raste të Coronavirus dhe kanë humbur jetën 22 persona. Mendojeni pak!”
Discussion about this post