Drejtuesi i Dioqezes së Rrëshenit, Dom Gjergj Meta, ka bërë thirrje për qetësi dhe ka shpërndarë një mesazh për të gjithë shqiptarët që pas panikut nga tërmeti i të shtunës dhe lajmeve që shkaktuan një situatë kaotike mbrëmjen e të dielës.
Dom Gjergj Meta shkruan se e nesërmja nuk është në dorën tonë dhe jeta jetohet sot.
Më tej, Dom Gjergj Meta thotë se ne kemi në dorë të nërtojmë marrëdhënie të mira me njëri-tjetrin.
Gjithashtu, Dom Gjergj Meta shkruan se “po ta keni vënë re sot në mëngjes dielli ka lindur përsëri e toka rrotullohet rreth tij. E do të vazhdojë të jetë kështu.”
“Ne kemi në dorë të ndërtojmë marrëdhënie të mira me njëri-tjetrin: kjo është natyra jonë. Toka, universi ka ligjësitë e veta e i rregullon vetë. Po ta keni vënë re sot në mëngjes dielli ka lindur përsëri e toka rrotullohet rreth tij. E do të vazhdojë të jetë kështu”, shkruhet në mesazh.
Mos ta ngatërrojmë ligjësinë me ligësinë
Të dashur miq,
pas kësaj fundjave plot panik, i ligjshëm pjesërisht, por pjesërisht i pajustifikuar, sidomos kur përhapet nga njerëz të papërgjegjshëm, ndjej t’ju uroj një javë të bukur.
Jeta jetohet sot. E nesërmja nuk është në dorën tonë. Ta lëmë natyrën në ligjësinë e saj e të mos e kompromentojmë me ligësinë tonë. Ne kemi në dorë të ndërtojmë marrëdhënie të mira me njëri-tjetrin: kjo është natyra jonë. Toka, universi ka ligjësitë e veta e i rregullon vetë.
Po ta keni vënë re sot në mëngjes dielli ka lindur përsëri e toka rrotullohet rreth tij. E do të vazhdojë të jetë kështu.
Të marrim në dorë universin tonë njerëzor.
Ne kemi në dorë ta bëjmë dashurinë forcën tërheqëse të këtij universi njerëzor, duke dashur Zotin dhe njëri-tjetrin. Kështu do të krijojmë komunitet solidar që kthehet në shpresë për të gjithë dhe kemi shumë nevojë, sidomos në çaste të vështira.
Lart zemrat e vazhdojmë rrugëtimin!
Ditë të bukur
Discussion about this post