Në përpjekje për të afruar sërish në Kombëtare mesfushorin Taulant Xhaka, Kristian Panuçi ka udhëtuar drejt Zvicrës për ta takuar personalisht futbollistin.
Por në fakt ajo që ka ndodhur nuk ka qenë një takim mes tyre por një refuzim nga ana e futbollistit për të takuar trajnerin e ri të Kombëtares.
Sipas “Sport Ekspres” mesfushori nuk është takuar dje me Kristian Panuçin, i cili ishte në Bazel enkas për ta takuar.
Trajneri i ri i kombëtares shqiptare e kishte njoftuar prej ditësh Xhakën se do të shkonte ta takonte dhe dje ishte në Bazel së bashku me Ervin Bulkun.
Gjithçka sipas parashikimeve, deri në momentin që Xhaka nuk zbriti fare në fushë, duke mos luajtur në ndeshjen kundër Lucernës.
Pas përfundimit të ndeshjes, sipas rregullores, lojtarët e stolit dolën të gjithë në stërvitje dhe aty Xhaka pati edhe një debat me disa tifozë, duke u nervozuar shumë.
Ndërkohë, Panuçi e priti për rreth 3 orë jashtë stadiumit, i telefonoi dhe dërgoi disa “sms”, por asnjë reagim.
Refuzim total për të takuar Panuçin, një injorim i turpshëm, me shumë mundësi i mbyll përfundimisht derën e kombëtares Xhakës. Talenti qartësisht nuk i mungon, të tjerat janë problem. (B.H/Shuplaka)
Discussion about this post