Nga dje De Biazi nuk është më trajner i Kombëtares Shqiptare të Futbollit. Prej kohësh ishte përfolur një largim i mundshëm dhe tani pikëpyetjet lidhen me emrin e pasuesit të tij.
Një nga emrat që flitet se mund të zërë vendin e De Biazit në Kombëtare është një tjetër Italian, ish-ndihmësi i tij Paolo Tramexani. Këtë fakt e konfirmojnë dhe mediat italiane.
Kohët e fundit në mediat italiane ishte përfolur për një akord 3 vjeçar mes Paolo Tramexanit dhe skuadrës zviceriane Sion. Gjithçka ishte duke shkuar në rrugën e duhur dhe pritej që në ditën në vijim të vinte dhe zyrtarizimi.
Mirpo, sipas “Tuttomercatoweb”, largimi i Xhani De Biazit nga stoli i Shqipërisë i ka hapur rrugën Paolo Tramexanit për tu rikthyer në Kombëtare si trajneri i parë, duke e rishikuar kalimin te Sioni.
Në ditët e ardhshme pritet që trajneri italian të marrë një vendim përfundimtar për të ardhmen e tij. Ai duhet të zgjedhë mes klubit zvicerian Sion dhe Kombëtares shqiptare. (E.K/SHUPLAKA)
Discussion about this post