Bota po përballet prej disa muajve nga pandemia globale e shkaktuar nga koronavirusi. Që prej fillimit të këtij virusi po bëhen shume studime në mbarë botën në lidhje me gjetjen e një vaksine ose ilaçi kundër tij. Në lidhje me këtë ka reaguar edhe Ati i Shenjtë gjatë fjalimit të së dielës në Vatikan.
“Në të vërtetë, është e rëndësishme që të bashkohen kapacitetet shkencore, në një mënyrë transparente dhe të paanshme për ta gjetur vaksinën dhe trajtimet”, tha ai.
Papa Françesku ka bërë thirrje për bashkëpunim shkencor ndërkombëtar për zbulimin e vaksinës kundër kòronavirusit dhe tha se çfarëdo vaksine e suksesshme duhet të jetë në dispozicion të tërë botën.
