“Një minutë për paqe”, kjo ka qenë kërkesa e Papa Françeskut për orën 13:00 të ditës së sotme. Ati i Shenjtë kërkoi që bota të lutet sot për Lindjen e Mesme.
Kjo rinovon nismën e Forumit Ndërkombëtar të Veprimit Katolik në takimin e tretë të përvjetorit në Vatikan.
Nisma në fjalë nisi në vitin 2014 kur Papa Françesku së bashku me Presidentin e Palestinës, Mahmoud Abbas, u lutën për vendosjen e paqes në botë.
“Në kohën tonë ka aq shumë nevojë për lutje , për të krishterët, hebrenjtë dhe myslimanët, për paqen.”, u shpreh vetë Ati i Shenjtë në përfundim të fjalës në sheshin “San Pietro” për të kujtuar nismën e ditës së sotme.
(XH.A/SHUPLAKA)
Discussion about this post