Papa Françesku në Kolumbi, thirrje për respekt ndaj grave

Gjatë vizitës së tij në Kolumbi, Papa Françesku ka dënuar dhunën verbale dhe fizike kundrejt grave  dhe bëri thirrje për respekt.
Sipas Atit të Shenjtë, Bibla i lartëson gratë që janë të forta dhe me influencë. “Sa gra kanë këmbëngulur të vetme në heshtje?” pyeti Papa personat e mbledhur në qytetin e Villavicencio, ndërkohë që ai u ndërprye vazhdimisht nga duartrokitjet e dëgjuesve të tij të mbledhur në meshën e hapur.
Papa bëri thirrje për pajtim dhe falje, pas dekadash të tëra të një luftë të përgjakshme civile. Po ashtu gjatë predikimit, Papa bekoi dy priftërinj të vrarë gjatë konfliktit, ndërsa paralajmëroi të pranishmit se procesi i paqes ka nevojë për pajtim për të funksionuar siç duhet.
Ndërkohë vizita e Papës në Kolumbi, e para që prej vitit 1986, është mirëpritur jo vetëm nga populli, por edhe nga presidenti i vendit Juan Manuel Santos, i cili e sheh ardhjen e Atit të Shenjtë si ndihmesë në procesin e paqes.

(S.SH/Shuplaka)

\